მანანას და ცელქი ბატის ჭუკის მხიარული ამბავი. ინტერაქტიული სპექტაკლი, რომელშიც მაყურებელი მონაწილეებთან ერთადაა ჩართული.

„დედა ენა“ შემეცნებითი ხასიათის, სცენურად ორიგინალური სურათებით გამორჩეული სპექტაკლია. დედა ენის მნიშვნელობა იმდენად საინტერესო მხატვრული მიგნებებითაა გადმოცემული, რომ ბავშვს ანბანის შესწავლას, „დედა ენის“ წაკითხვის სურვილს გაუღვიძებს.
სპექტაკლის მხატვრული და შემეცნებითი დონით უფროსებიც ისიამოვენებენ.

მსოფლიოში ერთ-ერთი ყველაზე პოპულარული ანიმაციის - “ვინი - პუჰის” ორიგინალურ ინსცენირებას გვთავაზობს რეჟისორი ელენე მაცხონაშვილი. ამბავი მეგობრებზეა, რომლებიც ძალიან განსხვავდებიან, თუმცა უერთმანეთოდ ვერ ძლებენ. პუჰის შესახებ ისტორიები მრავალ ენაზეა ნათარგმნი. არსებობს მისი თავგადასავლების ეკრანიზაციები. ძირითადად ცნობილია უოლტ დისნეის სტუდიების ფილმები და სატელევიზიო სერიალები.

სპექტაკლი იაკობ გოგებაშვილის ნაწარმოებს ეყრდნობა. რეჟისორი მიყვება ავტორის ფაბულას და ქმნის ზღაპრულ სამყაროს, სადაც ჩვენ, თოჯინებთან ერთად უშუალოდ ავტორ - იაკობ გოგებაშვილს ვხვდებით.

,,მიფრინავდნენ წეროები“ სპექტაკლია, რომელიც თამაზ იმნაძემ თავისივე პიესის მიხედვით დადგა. იგი წეროს სევდიან ისტორიაზეა, რომელიც სიკეთით, სიყვარულითა და სიხარულით სრულდება.

ნაცარქექია - ასე ქვია სპექტაკლს, რომელიც ცნობილი ქართული ზრაპრების სიუჟეტურ ფრაგმენტებს ეფუძვნება. წარმოდგენის კიდევ ერთი, განსხვავებული ინტერპრეტაცია სხვადასხვა, მაყურებლისათვის კარგად ცნობილ ზრაპრულ პერსონაჟებს ერთ სიუჟეტში აერთიანებს.

მოქმედება ორი მეგობრის, ზღარბისა და დათუნიას ირგვლივ ვითარდება. მეგობრები ღამე ვარსკვლავებს ითვლიან თუმცა საბოლოოდ რაოდენობაზე ვერ თანხმდებიან და ერთმანეთს ებუტებიან. ნისლიან ღამეში ზღარბი იკარგება და უღრან ტყეში სრულიად მარტო ცდილობს თავი დააღწიოს უამრავ ფათერაკს. გზის გაგანებაში შეშინებულ ზღარბს უღრანი ტყის ბინადარნი - ციცინათელები და ლოკოკინები ეხმარებიან.

არა ერთხელ გვიოცნებია ვირტუალურ სამყაროში არსებული გმირების გაცოცხლება. თბილისის გიორგი მიქელაძის სახელობის თოჯინების სახელმწიფო თეატრმა კი გადაწყვიტა თქვენთან, მაყურებელთან ერთად ამ ოცნების ახდენა სცადოს. ჩვენ გვინდა ჟირაფი ჟოზეს ინტერნეტ სივრცისგან დახსნა. არ ვიცით რა იქნება, სოციალური ქსელები ძალიან რთული რამაა. ამას ჩვენ მაყურებლის დახმარების გარეშე ვერ მოვახერხებთ. წინ დიდი და რთული გზა გველოდება.

,,საგზაო ნიშნები“ - მარიამ გაგლოშვილის სპექტაკლი, რომელიც თბილისის თოჯინების სახელმწიფო თეატრში განხორციელდა. წარმოდგენა ექსპერიმენტული თეატრალური ფორმების მრავალფეროვნებით გამოირჩევა, სადაც მოქმედი პერსონაჟები ავტომობილებისა და საგზაო ნიშნების სახით არიან წარმოდგენილნი

თუ გსურთ თქვენი რეალობიდან გაქცევა და ქართულ მძაფრ-სიუჟეტიან თრილერში მოხვედრა; თუ გაინტერესებთ, რისკენ მიჰყავს და რა ფანტაზიებს უღვიძებს ადამიანს სიღატაკე და გაჭირვება; თუ გინდათ ნახოთ სოციუმისგან გარიყული ადამიანების შემზარავი კავშირი და თუ გსურთ, ბოლომდე მიჰყვეთ სიდუხჭირისგან სახედაკარგული ახალგაზრდების ტრაგიკულ ფიქრებს და ქმედებებს, მაშინ მობრძანდით თბილისის თოჯინების სახელმწიფო თეატრში

მიდის, მიბაკუნებს ვირი გზაზე. ცხვირწინ პეპელა აუფრინდება, გაეთამაშება და თვალს მიეფარება. შეუყვარდება ვირს პეპელა და გასწევს მის საძებნელად. გზად თეთრი ყვავი გადაეყრება. დაუმეგობრდება ყვავი ვირს. შეიტყობს ვირის გულისთქმას და თანაუგრძნობს, მაგრამ განუწყვეტლივ ექილიკება და ხუმრობა-ხუმრობაში მრავალ ჭეშმარიტებას ეზიარებიან.

ნიკოლოზ საბაშვილის საავტორო სპექტაკლი, რომელიც თანამედროვე საზოგადოების მანკიერი თვისებების მხილებას, ექსპერიმენტული, თეატრალური ფორმებით გამოხატავს.

,,ცირკი“ ნიკოლოზ საბაშვილისა და ბახვა წერედიანის ერთობლივი ნამუშევარია. წარმოდგენა თბილისის თოჯინების სახელმწიფო თეატრის მრავალფეროვანი რეპერტუარის კიდევ ერთ მნიშვნელოვან ექსპერიმენტს წარმოადგენს, სადაც მოქმედი პერსონაჟების უმრავლესობა მარიონეტია

საქართველოს თოჯინურ სივრცეში „წმინდა ანტუანის სასწაული“ პირველად თბილისის თოჯინების პროფესიულ თეატრში დაიდგა. მორის მეტერლინკი ჩვენთვის ცნობილია, როგორც მისტიკური და ზღაპრული გარემოს შემქმნელი ავტორი. მისი პიესები ირეალური ფორმით რეალურ საფრთხეებსა და პრობლემებზე საუბრობს. გამონაკლისი არც „წმინდა ანტუანის სასწაულია“, რომელიც დრამატურგმა 1903 წელს დაწერა.