რეპერტუარი

​

​

ერთ პატარა სოფელში, რომელიც მთის ძირში იყო გაშენებული და სადაც მხოლოდ 10 კომლი ცხოვრობდა, ერთ დღეს საშიში ამბავი დაატყდათ თავს. საქმე იმაში იყო, რომ ზამთარში თოვლი არ მოდიოდა, რადგან მიწა ჯერ კიდევ თბილი იყო. სოფლის მოსახლეობა ფიქრობდა, რომ ალბათ თბილი დღეები გაგრძელდა და მალე სუსხი დაარტყავსო, მაგრამ უკვე დეკემბერი იდგა გარეთ და მიწა ისეთი თბილი იყო, ისეთი თბილი რომ ბავშვები ფეხშიშველი დარბოდნენ გარეთ...

მხიარული და ცელქი ბატის ჭუკი, ერთ დღეს, თავის მეგობარ – მანანას ტბაზე გაეპარება და საბოლოოდ მელიის სოროში აღმოჩნდება. 🐥🦊🦔
თუ როგორ დააღწევს თავს ბატის ჭუკი მელიას სოროს და რა წინააღმდეგობები შეხვდება მანანას, ამ ყოველივეს ნახავთ ამ საინტერესო და სათავგადასავლო სპექტაკლში, სადაც მეგობრობა, ერთგულება და გამბედაობა ბოლოს აუცილებლად იმარჯვებს.

გრეგორ ზამზას სკოლის ასაკში გადახდენილი უცნაური ამბავია. სკოლაში მიმავალ გზაზე, ქალაქის ცნობილი კომოვოიაჟერი - ბატონი ზომერი შეხვდა, რომელიც ნახევრად ხოჭო გახლდათ. პატარა გრეგორ ზამზას შეეშინდა და გზიდან გადაუხვია, სადაც ულამაზესი გოგონა, სახელად - ბარბარა გაიცნო. გრეგორს და ბარბარას გზა აებნათ და ტყეში აღმოჩნდნენ, სადაც ყაჩაღი ცოლ-ქმარი - დორა და ბორა ცხოვრობდა.

თეატრის შადრევანში დაიბადა და გაიზარდა ბაყაყუნა, რომელიც ოცნებობდა ბალერინობაზე, ამიტომ მეგობარმა ბაყაყებმა შეარქვეს ბაყაყუნა ბალერუნა.
ზამთარში შადრევანი დაცალეს, ბაყაყუნა გამდინარე წყლით მოხვდა თეატრის სარდაფში, სადაც გაიცნო არტისტი თაგვი თითა და მისი მეგობარი თაგუნიები. აქედან იწყება ბაყაყუნას უჩვეულო თავგადასავალი.
ეს პიესა არის თეატრის სიყვარულზე და მეგობრობაზე.

ერბინოს არც ოჯახი ჰყავს, არც მეგობრები და არც ფული აქვს. ახლობლები მას სულელად თვლიან და ზედმეტ სახელს უკარებასაც ეძახიან.

თუმცა ერთი შეხედვით, უბრალო ბიჭის ისტორია წარმოდგენის განმავალობაში უაღრესად საინტერესოდ ვითარდება, გამოჩენილი მამაცობისა და სიძნელეების გადალახვის შემდეგ, პრინცესასთან შეხვედრით ბედნიერად სრულდება.

იაკობ გოგებაშვილის მოთხრობა „იავნანამ რა ჰქმნა?!" წარმოადგენს ერთ-ერთ მის ყველაზე ცნობილ და ღრმა ჰუმანისტურ ნაწარმოებს.

სპექტაკლი, რომელიც ალფონს დოდეს ნაწარმოების მიხედვით დაიდგა, უშიშარი თხა ლიზიკოს თავგადასავალს გვიამბობს, რომელიც მათე პაპას ტყეში გაეპარება, გზაში შემთხვევით მგელს გადაეყრება, თუმცა ყველას გასაკვირად მგელი პრანჭია, კეთილ ლიზიკოს უმეგობრდება და ერთად ბრუნდებიან მათე პაპას სახლში.

სპექტაკლია რუმინელი მწერლის, ანრი პოპესკუს რომანტიკული ზღაპრის მიხედვით დაიდგა და მოგვითხრობს მშვენიერი ფაიფურის ბალერინა პიტისა და თაგუნია მუფის თავგადასავალზე, მათ მეგობრობასა და თავდადებაზე.

ამბავი მოგვითხრობს ქალაქზე, რომელსაც უცნაური სენი შეეყარა, მის მოსახლეობას ჩემოდნები შეუყვარდა. ჩემოდნის გამომგონებელს მთავარ მოედანზე ძეგლიც კი დაუდგეს.
მხოლოდ ერთი კაცი დადიოდა უჩემოდნოდ - კლოუნი, რომელიც ცირკიდან გამოაგდეს, რადგა ჩემოდანს არ ატარებდა, ამის გამო ერთხელ, ჩხუბიც კი აუტეხეს.

წარმოდგენაზე მოსულმა პატარა მაყურებელმა, ცირკისთვის ჩვეულ, სასწაულებით და ფათერაკებით სავსე სამყაროში იმოგზაურა…

ზაფხულის ერთ დილას გამვლელებმა დაინახეს, რომ უცნაური პეპელა დაფარფატებდა ქუჩაში.
ამ პეპელას ცალი ფრთა ჩვეულებრივი ჰქონდა - ჭრელი და ლამაზი, მეორე კი ლარიანის. ამის დანახვაზე ქუჩაში გამვლელებმა ერთმანეთს ჩხუბი აუტეხეს თუ ვინ დაინახა პირველმა. ბოლოს იმაზე შეთანხმდნენ, რომ უკან გაჰყოლდნენ მოფარფატე პეპელას და ენახათ იქნებ სხვებსაც ლარიანი ფრთები ჰქონოდა. გზად მაღაზიაშიც შეირბინეს პეპლების საჭერი ბადის საყიდლად.

ფერიების პრინცესა ლილუ და მისი მეგობრები თვალებს არ უჯერებენ: კუდიან ალბას თავის ბაღში შვლის ნუკრი დაუტყვევებია!
ღამით, როცა გაჯავრებული კუდიანი სასახლის გარშემო დაქრის, პრინცესა ლილუ აღმოაჩენს, რომ დახმარება მხოლოდ საყვარელ შვლის ნუკრს კი არა,
კუშტ კუდიანსაც სჭირდება...
ჩვენო პატარა მაყურებელო, ახალი წლის დღეებში ერთად ვიმოგზაუროთ ზღაპრულ სამყაროში

კოშკში გამოკეტილი ულამაზესი ქალის ისტორია, რომელსაც აინტერესებს თუ რა ხდება მისი სახლის საზღვრებს მიღმა…
სიმპათიური ყაჩაღი ფლინი იოლად მოგზაურობს ცხოვრების გზაზე, რაშიც სილამაზე, გრძელი ენა და იღბალი ეხმარება... მაგრამ ერთხელაც თავშესაფრად ტყეში განმარტოვებით მდგარ კოშკს აირჩევს... და ფლინი მშვენიერი ახალგაზრდა რაპუნცელის ტყვეობაში აღმოჩნდება.

პატარებისთვის ერთ-ერთი ყველაზე პოპულარული საბავშვო ზღაპრის სასცენო ვერსია. სამი გოჭის ამბავი მსოფლიოს ყველა პატარამ ზეპირად იცის.
მისი სიუჟეტი მომდინარეობს ინგლისური ხალხური შემოქმედებიდან, ხოლო ლიტერატურული ვერსიები ცნობილია XIX საუკუნიდან, უფრო მეტად — ჯოელ ჰარისის ძია რიმუსის ზღაპრებიდან.
სიუჟეტის მიხედვით, სამი ძმა-გოჭი იშენებენ საკუთარ სახლებს. პირველ ორს თავს ესხმის მგელი, მაგრამ მესამეს ვერ გაუმკლავდება, ვინაიდან მას აგურის სახლი აქვს, რომელიც საიმედოდ იცავს.

მოხუცმა სკრუჯმა მთელი თავისი ცხოვრება სიმდირის შეგროვებას მიუძღვნა. მას სძულდა მეგობრები, სიყვარული, ბავშვები, საშობაო დღესასწაულიც კი და ყველაფერი ამქვეყნიური ფულის და ქონების გარდა.
ერთ მშვენიერ შობის ღამეს სკრუჯს სამი სული გამოეცხადა. ერთმა წარსული დაანახა, მეორემ აწმყო აჩვენა, მესამემ კი მომავალში ამოგზაურა. ეს დაუვიწყარი შობის ღამე აღმოჩნდა ძუნწი და ბუზღუნა სკრუჯის ახალი, კეთილი, ცხოვრების დასაწყისი.

ნიკოლაი გოგოლის „შეშლილის წერილები მსოფლიო კლასიკური ლიტერატურის ერთ-ერთი ყველაზე იდუმალი ნაწარმოებია. რა არის ეს? უბრალოდ გენიოსის უცნაური ხუმრობა თუ მისივე ყველაზე მნიშვნელოვანი კოდირებული გზავნილი 21-ე საუკუნის ადამიანებისთვის?

მოთხრობა „შეშლილის წერილები“ გოგოლმა 1834 წელს დაწერა. „შეშლილის წერილები“ – „დაავადების ფსიქიკური ისტორიაა, რომელიც პოეტური ფორმით არის გადმოცემული... ეს არის შეშლილის დაცინვა, რომლის ბოდვა სიცილს იწვევს და ამავე დროს სიბრალულს აღძრავს“

პიესა ახალგაზრდა გლეხის შესახებ მოგვითხრობს, რომელმაც დაჭრილი წერო გადაარჩინა, მისი ცხოვრება მკვეთრად შეიცვალა. უეცრად გლეხის ქოხში ლამაზი ქალი გამოცხადდა. ქალ-ვაჟს ერთმანეთი შეუყვარდათ და იქორწინეს.

ქალს შესანიშნავი ქსოვილების მოქსოვა შეეძლო. მისმა ნამუშევრებმა მალე ადგილობრივი ვაჭრების დიდი ინტერესი გამოიწვია. ზუსტად მაშინ დადგა ქალ-ვაჟის უანგარო სიყვარული და სიკეთე საფრთხის წინაშე. მათ სიყვარულს ვაჭართა ანგარება დაუპირისპირდა.

სარეკომენდაციო ასაკი +4
პრემიერა შედგა 2026 წლის 4 იანვარს