სპექტაკლი „80 000 კმ. წყალქვეშ“ ჟიულ ვერნის სათავგადასავლო რომანს ეფუძნება. წყნარი ოკეანის წყლებში მეზღვაურები იდუმალ მოვლენებს აწყდებიან. პროფესორი არონაკსის და მისი მეგობრების თავგადასავალი მას შემდეგ იწყება, როდესაც ისინი საიდუმლოებების ამოხსნას გადაწყვეტენ.

მთხრობელი, გერდა, კაი, ყინულის დედოფალი, უფლისწული და ყაჩაღები, მოქმედი გმირები, რომლებსაც საოცრებათა სამყაროში გადავყავართ, მაყურებელს მოდუნების საშუალებას არ აძლევს... ამბავი, რომელიც მეგობრობასა და სიყვარულზე, ბოროტებასა და მასზე გამარჯვებულ სიკეთეზეა დამყარებული...ამბავი, რომელიც გაბრუნებს ბავშვობის უბედნიერეს სამყაროში და თვითონ ხდები მონაწილე საოცარი მეგობრობისა...

სპექტაკლის წამყვანი - ფოტოგრაფი საინტერესოდ მოგვითხრობს თავგადასავალს - დათუნია დრუნჩაზე, „დათუნიას მერგო ერთი ქილა ერბო... ერბო კი ერგო, მაგრამ არ იძუნწა, სულ დაუნაწილა მეგობრებს და აი ფოტოც... ცარიელი ერბოს ქილით დათუნია, საკუთარ დაბადების დღეზე, ... ხედავთ, თაგუნასაც მიუტოვებია თითქოს...
თუმცა, არა, ასე არ დასრულდება დათუნიას დღესასწაული... წინ დიდი სიურპრიზი ელოდება დრუნჩას, მეგობრები - საჩუქრებით და ულამაზესი დღესასწაული დაბადების დღეზე...
ეს მომენტიც გადაიღო ფოტოგრაფმა და ის, ალბომის ბოლო ცარიელი გვერდი, რომელიც პატარა მაყურებელს დაუთმო.

სპექტაკლი გოგოებსა და ბიჭებზეა, რომლებიც ოცნებობენ, თანასწორობისკენ მიმავალ გზაზე. სტერეოტიპებს ამსხვრევენ და სურთ სამყარო უკეთესობისკენ შეცვალონ. ეს არის ამბავი მეგობრობის, ერთგულების და მხარდაჭერის შესახებ, რომელიც მოზარდებს ბევრ საკითხზე დააფიქრებს, მშობლებს კი ბავშვობაში დააბრუნებს. პატარაობიდან სამყაროს შეცნობასთან ერთად ილექება ყველა ემოცია, რომელიც მომავალში იჩენს თავს. სწორედ ამიტომ უმთავრესია სიყვარულში იზრდებოდეს თაობა.

ამბავი დედაშვილობის, სიყვარულის, ოჯახის სიმტკიცის, იქვე მტრობის და განუკითხაობის, რომელიც მრავლად იყო მაშინდელ საქართველოში ერთგვარ ტრაგიკულ ისტორიად გადმოგვცა იაკობ გოგებაშვილმა.
მოთხრობის „იავნანამ რა ჰქმნა?! - ს მიხედვით დადგმული სპექტაკლი საინტერესოა არა მხოლოდ პატარებისათვის, არამედ უფროსი ასაკის მაყურებლისთვისაც.

მთხრობელი პატარებისათვის გასაგებ მარტივ ენაზე უხსნის მაყურებელს, რომ იგავის გმირები არიან ცხოველები, ფრინველები, საგნები, მცენარეები, მაგრამ იგულისხმებიან ადამიანები, რომ იგავი ძალიან ახლოსაა ზღაპართან. ჩვენს სპექტაკლში მასწავლებელი კატა არამარტო ლომს, არამედ ბავშვებსაც სხვადასხვა ზღაპრის გმირების დახმარებით, სასიამოვნო მუსიკის ფონზე ასწავლის ქართულ ანბანს, მხიარული ფერადი მატარებლის დახმარებით მათემატიკას და ასევე სხვადასხვა ცხოველების მაგალითზე ფიზკულტურას.

„მზის სხივი“მოგვითხრობს თაგუნია მუფისა და ბალერინა პიტის დამეგობრების ამბავს, რომელიც დაკარგული ნივთების ბიუროში ვითარდება. სპექტაკლში ასახულია ერთმანეთის მიმართ მეგობრების ზრუნვა, თბილი საუბრებით ერთმანეთის გამხნევება და, საჭიროების შემთხვევაში, თავგანწირვაც კი. ერთგული მეგობრები, მიუხედავად განშორებისა, არასოდეს ივიწყებენ ერთმანეთს.

ამბავი, რომელიც სპექტაკლში ცოცხლდება, ერთი ულამაზეს პრინცესას ცხოვრებაზეა. იგი ცხრა ზღვისა და ცხრა მთის იქით დაიბადა.
პრინცესა ბოროტი ჯადოქრის მალეფისენტას საშინელი წყევლის მსხვერპლი გახდა. ის თითზე უმნიშვნელო ნაჩხვლეტის გამო მარადიულ ძილს მიეცა. მისი გაღვიძება მხოლოდ ნამდვილი სიყვარულის ძალამ შეძლო...

სპექტაკლი გამოირჩევა შემეცნებითი და საინტერესო მოვლენებით, სადაც პატარა უფლისწული გაგიზიარებთ გულისამაჩუყებელ ამბებს მარტოობასა და მეგობრობაზე, სიყვარულსა და სასოწარკვეთაზე...
ახალი თავგადასავლების ძიებაზე, მოგზაურობაზე , წარმოსახვის უნარზე და მშვენიერებით ტკბობაზე... თუმცა, ამ ყველაფრის გასაგებად პირადად მას, პატარა უფლისწულს უნდა შეხვდეთ და მოუსმინოთ...

რწყილი და ჭიანჭველა, ღორი და მუხა, ყვავი და კრუხი, ორმო და თაგვი, კატა და ძროხა ქართული ზღაპრის მიხედვით, გათანამედროვებული პიესა, გამოირჩევა ორიგინალურობით... მეგობრობა და გაჭირვებაში ჩავარდნილი მეგობრის დახსნა.

ცნობილი და პატარების საყვარელი ზღაპარი „სამი გოჭი“ იგივე ამბით და იგივე გმირებით, მაგრამ ახალი ინტერპრეტაციით დაიდგა ახალციხის თოჯინების თეატრში. აი, სიუჟეტი კი ნამდვილად განსხვავებული, საინტერესო და ბავშვებისთვის უფრო სასიამოვნო სანახავია. სპექტაკლის ერთ-ერთი მთავარი გმირი - მგელი არ არის ბოროტი და დაუნდობელი, პირიქით კეთილია, რომელიც ზრუნავს კიდეც გოჭებზე, არიგებს და წესიერებისაკენ მოუწოდებს მათ

სპექტაკლი „სიზმარა“ ქართული ხალხური და ამავე სახელწოდების ზღაპრის მიხედვით დაიდგა. მაყურებელი პერსონაჟთა სიზმრებში მოგზაურობს და სიზმრების მიღმა, გმირების ნატვრასა და ოცნებებს ხედავს.

უგულო და საკუთარ თავზე შეყვარებული პრინცი ჯადოქარმა ურჩხულად, ხოლო მისი მეგობრები სხვადასხვა ნივთებად გადააქცია. სპექტაკლში მოთხრობილია, თუ როგორ შეძლო კეთილმა და ჭკვიამაი გოგონამ ბელიმ უანგარო სიყვარულით ურჩხულისა და მისი გარემოცვის გადარჩენ

საბავშვო თოჯინური სპექტაკლი ვ. ცინიბუკის მიხედვით „ცისფერი მარგალიტი“ გათვლილია პატარა ასაკის მაყურებელზე, მეკობრეების, ჯადოქრების, კეთილი მეზღვაურების თავგადასავალი დაუვიწყარ მოგზაურობას სთავაზობს პატარებს ზღაპრულ სამყაროში, მთავარი მოქმედი გმირის, პატარა მაწანწალა ბიჭის სიმამაცე და კეთილშობილება სამაგალითოა პატარა მაყურებლისათვის.

ჯორჯ ორუელის „ცხოველთა ფერმა“ არის სატირული ალეგორია, რომელიც ასახავს რევოლუციის მოვლენებს და შემდგომ აღზევებას.