კატის გაზრდილი ლომი

სულხან - საბა ორბელიანის იგავ -არაკის „კატის გაზრდილი ლომი“-ს მიხედვით დადგმული სპექტაკლი განკუთვნილია პატარა ასაკის მაყურებლისათვის. მთხრობელი მათთვის გასაგებ მარტივ ენაზე უხსნის მაყურებელს, რომ იგავის გმირები არიან ცხოველები, ფრინველები, საგნები, მცენარეები, მაგრამ იგულისხმებიან ადამიანები, რომ იგავი ძალიან ახლოსაა ზღაპართან. ჩვენს სპექტაკლში მასწავლებელი კატა არამარტო ლომს, არამედ ბავშვებსაც სხვადასხვა ზღაპრის გმირების დახმარებით, სასიამოვნო მუსიკის ფონზე ასწავლის ქართულ ანბანს, მხიარული ფერადი მატარებლის დახმარებით მათემატიკას და ასევე სხვადასხვა ცხოველების მაგალითზე ფიზკულტურას.
სპექტაკლი „კატის გაზრდილი ლომი“ გვასწავლის რომ ერთმანეთს პატივი უნდა ვცეთ , თუ სიკეთეს გაგვიკეთებენ მადლიერება გამოვხატოთ.
სპექტაკლის მიზანია განათლება და სწორი აღზრდა, ეს უმთავრესია, რომელიც პიროვნებად ჩამოყალიბებაში გვეხმარება.

სპექტაკლი განკუთვნილია 4+ ასაკის მაყურებელზე
სპექტაკლის ხანგრძლივობა 50-55 წთ.