მზის სხივი

ბნელი, ნესტიანი სარდაფი, გაცრეცილი თაროები ცარიელი ბოთლებითა და შუშის ქილებით. კუთხეში ეულად მიტოვებული სათამაშო პიანინო და ტელევიზორი, რომელსაც შიგნიდან ყველაფერი გამოცლილი აქვს. ბნელ სარდაფში, სადაც მზის სხივიცკი ვერ აღწევდა, უსიყვარულობას, უმეგობრობას და უიმედობას დაუსადგურებია. საათსაც კი თავისი დიდრონი თვალები, დაუხუჭავს და წიკწიკიც აღარ შეუძლია.

"მზის სხივი" თოჯინური სპექტაკლია, რომელიც რეჟისორმა ელენე მაცხონაშილმა, რუმინელი მწერლის, ანრი პოპესკუს რომანტიკული ზღაპრის მიხედვით, ბორჯომის თოჯინების თეატრში, დადგა.

სპექტაკლი მოგვითხრობს მშვენიერი ფაიფურის ბალერინა პიტისა და თაგუნია მუფის თავგადასავალზე, მათ მეგობრობასა და თავდადებაზე.