თბილისის თოჯინების პროფესიული სახელმწიფო თეატრის პირველი გასტროლი ჩინეთის სახალხო რესპუბლიკაში

ჩინეთის მხრიდან მომწვევი მხარე გახლდათ Vancy Culture (Beijing), აღნიშნული კომპანია წლებია, ჩინეთში და სხვადასხვა ქვეყნებში, აქტიურად ახორციელებს მსოფლიო დონის სახელოვნებო პროექტებს.

სპექტაკლები გაიმართა ლუნგმას თეატრალური საზოგადოების კულტურულ ცენტრში, შენჭენთან მდებარე სამასწლიანი ისტორიის მქონე დასახლების ადგილას, 2008 წელს დაარსებულ თანამედროვე სივრცეში, სადაც შექმნილია უნიკალური თეატრალური და კულტურული ეკოსისტემა, რომლის მთავარი მიზანიც თანამედროვე ჩინური თეატრის განვითარებაა.

თეატრალურ დასს უმასპინძლა ცნობილმა ჩინელმა მსახიობმა და ლუნგმას თეატრალური საზოგადოების შემოქმედებითმა ხელმძღვანელმა, რეჟისორმა და პროდიუსერმა, ბატონმა ჭანგ კუოლიმ, პირადად დაათვალიერებინა სივრცე და ჩინეთის ტრადიციული ჩრდილების თეატრის კოლექცია.

30 ნოემბერს ბატონ ჭანგ კუოლის ინიციატივით გაიმართა დიალოგი ნიკოლოზ საბაშვილთან, მთავარი თემით: „საქართველოს თოჯინების და ჩინეთის ჩრდილების თეატრების გაძლიერებული სიცოცხლისუნარიანობა მდგრადობის განმტკიცება მარგინალურ პირობებში.“

ქართული მხრიდან პროექტის მხარდამჭერები გახლდათ: საქართველოს კულტურის სამინისტრო, საქართველოს საელჩო ჩინეთის სახალხო რესპუბლიკაში Georgia in China, ჩინეთ-საქართველოს შორის კულტურული გაცვლების მხარდამჭერი კომპანია სილქედვაის ჯგუფი, ბაზისბანკი, ფრანი და უნიმა საქართველო.