26 მაი. 2024
ვულოცავთ თითოეულ მაყურებელს, თეატრის მეთოჯინეს, მსახიობსა და რეჟისორს, ტექნიკურ პერსონალს, ჩვენი თეატრის ყველა გულშემატკივარს ამ დღეს.
რადგან ჩვენი თეატრი ყველაზე ემოციურ, სწრაფად მზარდ და ცვლად აუდიტორიას - ბავშვებს ემსახურება, ამიტომ ჩვენც მუდმივი განვითარების პროცესს განვიცდით. რაც მთავარია, გვაქვს სურვილი და მზაობა იმისთვის, რომ ბავშვებისა თუ მოზრდილებისთვის ვიყოთ მიმზიდველი, საინტერესო და მუდამ აქტუალური. ვცდილობთ, წარმოვადგინოთ კეთილი სიუჟეტის, გემოვნებიანი მუსიკის, უნიკალური შემსრულებლებისა და გასაოცარი თოჯინების სინთეზი, რადგან გაცნობიერებული გვაქვს ჩვენი მიზანი- გავზარდოთ გემოვნებიანი და ინტელექტუალი მაყურებელი.
გვეწვიეთ! აქ გათამაშებული ყველა სპექტაკლი, ისევე როგორც ყველა ზღაპარში, სიკეთისა და სიყვარულის გამარჯვებით სრულდება.