5 აპრ. 2024
სპექტაკლში ,,ზღაპრული ძროხა" სიუჟეტი ვითარდება ერთ-ერთ სამეფოში, რომელსაც ღმერთმა თავისი მადლი უხვად დააბერტყა. ყველაფერი თვალწარმტაცი და ზღაპარული იყო, სანამ ამ სამეფოს ძალიან მძიმე სენი - მოწყენილობა არ შეეყარა.
ამ სენით,მოწყენილობით იყო ავად მეფის ასულიც, რომელსაც არც ერთი წამალი არ კურნავდა, სანამ მათ სამეფოს ოქროსფერი ძროხა არ ესტუმრა...
თუ თქვენც მოიწყენთ, მაშინ მოდით ჩვენს თეატრში ანცი, ონავარი და ზღაპრული ძროხის სანახავად, რომელიც აუცილებლად გაგახარებთ და გაგაბედნიერებთ.
სპექტაკლის ,,ზღაპრული ძროხა" რეჟისურა, ინსცენირება, მუსიკალური გაფორმება და სცენოგრაფია თამაზ იმნაძეს ეკუთვნის.
მხატვარი ვახტანგ ქორიძეა. წარმოდგენაში დაკავებულნი არიან მსახიობები: ნოდარ გაფრინდაშვილი, თამარ გორხელაშვილი, თამარ გოგიაშვილი, თიკო ჯანაშვილი, ცირა ხანიაშვილი, მარიამ მაისურაძე და ნინი დვალიშვილი.