30 აპრ. 2024
,,მე პატარა ქართველი ვარ“ - ასე ქვია სპექტაკლს, რომელიც ჩვენს თეატრში მოწვეულმა რეჟისორმა, ნიკა ლუარსაბიშვილმა წარმოადგინა. სპექტაკლი დაფუძნებულია ქართულ ხალხურ ზღაპრებსა და მითებზე. უხვადაა გამოყენებული ქართული კლასიკური პოეზიის ნიმუშები.
სპექტაკლის საინტერესო პერსონაჟებს შორის ერთ-ერთი მწიგნობართუხუცესი შოთაცაა (იგივე შოთა რუსთველი), ასევე ერთი სიუჟეტური ხაზი ვითარდება ილია ჭავჭავაძის ლექსის „ბაზალეთის ტბა“ მიხედვით. ჩვენი მაყურებელი შეხვდება ნაცნობ პერსონაჟებს მულტფილმიდან „კომბლე“. განსაკუთრებით აღსანიშნავია მუსიკალური გაფორმება, რომელიც ეროვნულ ფოლკლორსა და ქართულ კლასიკურ მელოდიებზეა აგებული და წამყვან თემასაც წარმოადგენს.სპექტაკლი მოზარდ თაობას გაუღვივებს პატრიოტულ გრძნობებს, შეაყვარებს ჩვენი სამშობლოს მრავალტანჯულ წარსულს და ბედნიერი მომავლის რწმენას ჩაუსახავს.
ასაკი: 6+
მსახიობები: ლევან კაციაშვილი,დათო ბერიძე, თამთა ბაქრაძე, მარიკა ძაგნიძე